Ledig stilling ved Universitetet i Bergen

[Bjørn Tore Sund]

http://www.jobbnorge.no/visstilling2.aspx?stillid=37617&lang=NO



Overingeniør ved IT-avdelinga, Universitetet i Bergen



Ved IT-avdelinga er det ledig ei stilling som overingeniør.

IT-avdelinga er Universitetet i Bergen sin sentrale IT-funksjon med 
ansvar for brukarstøtte, applikasjonar og infrastruktur. Avdelinga har 
82 tilsette, organisert i tre seksjonar (sjå http://it.uib.no) Vi har 
eit aktivt  og kompetent miljø, og leverer eit breitt spekter av 
IT-tenester med eit sentralisert driftsopplegg. Avdelinga har tatt i 
bruk ITIL-rammeverket for organisering av tenesteleveranser.
 
Beskriving av overingeniørstilling:
Ved IT-avdelinga, Seksjon for infrastruktur si gruppe for Unix drift er 
det ledig ei fast stilling som overingeniør.  Vår nye medarbeidar bør ha 
god kompetanse på drift av Linux servere.  Det er ønskjeleg med 
kompetanse på drift i stor skala, og om teknikkar for automatisering av 
slik drift.  God røynsle med kommandolina og shellscripting er ein 
føresetnad.  UiB har for tida standardisert på RedHat Enterprise 
Edition. Det kan også vera aktuelt med oppgåver  innan Linux 
klientdrift.  Arbeidet vil vidare bestå av 2. line støtte overfor 
helpdesk.  Det er viktig at søkjarane har gode samarbeidsevner og er 
serviceinnstilt.

Søkjarar må ha høgre utdanning, sivilingeniøreksamen eller 
universitetseksamen (cand.scient./master), eller tilsvarande 
kvalifikasjonar oppnådd ved lengre praksis og relevant etter- og 
vidareutdanning.

Overingeniør har løn etter lønssteg 49 - 54  (kode 1087), etter 
kvalifikasjonar

Kvinner vert spesielt oppmoda til å søkje. Dersom fleire søkjarar vert 
vurdert til å ha tilnærma like kvalifikasjonar, vil reglane om 
kjønnskvotering i Personalreglementet for tekniske og administrative 
stillingar verte følgde.

Utfyllande opplysningar om stillinga kan ein få ved å vende seg til: 
Seksjonsjef Jan Kristian Walde Johnsen (epost jan.johnsen at uib.no telefon 
5554238) eller overingeniør Egil Pedersen (epost 
egil.pedersen at it.uib.no, telefon 55584061), begge ved IT-avdelinga.

Den statlege arbeidsstyrken skal i størst mogleg grad spegle mangfaldet 
i befolkninga.  Det er difor eit personalpolitisk mål å få ei balansert 
alders- og kjønnssamansetjing og rekruttere personar med 
innvandrarbakgrunn.  Personar med innvandrarbakgrunn vert oppmoda om å 
søkje stillinga.

Den som vert tilsett må rette seg etter dei retningslinene som til kvar 
tid gjeld for stillinga.

Søknad og CV skal sendast elektronisk via link på denne siden «Søk denne 
stilling» til Universitetet i Bergen. Kopi av vitnemål og attester skal 
berre sendast dersom du får melding om det.

Søknadsfrist: 14. april 2007

Søknaden merkast: 07/4913

-BT

-- 
Bjørn Tore Sund       Phone: 555-84894   Email:   bjorn.sund at it.uib.no
IT department         VIP:   81724       Support: http://bs.uib.no 
Univ. of Bergen

When in fear and when in doubt, run in circles, scream and shout.