[NUUG jobbmarked] Serverdrift og lagring - Overingeniør ved Høgskolen i Oslo

[Christian Ramstad]

SERVERDRIFT OG LAGRING - overingeniør

Serverdrift og lagring – overingeniør
Ref. 09/3735

IT-seksjonen er plassert i den sentrale administrasjonen og har 28 tilsette fordelt på stab, ei 
brukarstøttegruppe (BIT) og ei systemadministrasjonsgruppe (SysAdm). IT-seksjonen driftar om 
lag 3300 stasjonære PC-ar og fleire hundre bærbare, 120 servere, 150 printere, 200 
basestasjonar, samt nettverks- og telefonieiningar.

Ved seksjonen er det ledig stilling som overingeniør. Vi søkjer etter ein person som ønskjer å 
jobbe i eit kreativt og hyggeleg miljø med spennande teknologi og nye løysingar. Du vil arbeide 
i Systemadministrasjonsgruppa. Gruppa har ansvar for å utvikle og drifte server- og 
desktopløysingar, samt nettverk og telefoni ved høgskolen.

HiO og IT-seksjonen legg stor vekt på å gi sine tilsette utfordrande og lærerike oppgåver, med 
god anledning til fagleg utvikling. Tilsette nyt godt av høgskolen sitt velferdstilbod, som 
inkluderer trening i arbeidstida, moglegheit for barnehageplass og boliglån i Statens 
Pensjonskasse. Her finn du meir informasjon om HiO: www.hio.no.

Arbeidsoppgåver:
Generell drift og utvikling av serverparken, med fokus på student- og tilsettservere.

     * Drift, vedlikehold og deltaking i utvikling av open source baserte tenestar og system 
ved HiO.

     * Ressursperson på lagring og virtualisering. Mange virtuelle servere blir kjørt under 
VMware og mange av desse er tilknytta eit iSCSI SAN.
     * Dokumentasjon av løysingane og kursing av IT-tilsette i korleis dei tar i bruk 
løysingane vi har lagt til rette for.

Våre krav til kvalifikasjoner:


Relevant utdanning fra universitet eller høgskole, minimum tilsvarende bachelornivå. Lang 
erfaring frå tilsvarande arbeid kan kompensere for utdanningskravet.

     * Dokumentert erfaring og kunnskap innan fleire av følgjande område:
     * Inngåande kunnskap om Linux
           o God kunnskap om Samba
           o God kunnskap om skripting
           o God kunnskap om VMware
     *  Gode samarbeids- og kommunikasjonsevner
     *  God munnleg og skriftleg framstillingsevne

Vidare vil det bli lagt vekt på:

     * God kunnskap om lagring og spesielt SAN teknologiar
     * Kunnskap om Windows
     * God evne til å tilegne seg kunnskap på ein sjølvstendig måte
     * Kunnskap innan IP-nettverk, protokollforståing
     * Kunnskap om dns og dhcp
     * Kunnskap om programmering og erfaring i språk som Visual Basic, Perl, Python, C
     * Evne til å sjølvstendig kunne planleggje, utvikle og iverksette løysingar. Gjerne i form 
av prosjektleiing.

Vi kan tilby:

     * Interessante og utfordrande arbeidsoppgåver i ein organisasjon med høg kompetanse.
     * Godt samarbeid med universitets- og høgskolesektoren i Norge.
     * God anledning til å påvirke arbeidsdagen og karriereretning
     * Gode kolleger i eit uformelt miljø
     * Fleksitid
     * Gode velferdstilbod

Stillinga blir løna etter statens lønsregulativ, kode 1087 overingeniør i ltr. 51-62 (394 400 – 
481 800). For særskilt kvalifiserte søkjarar kan høgre løn vurderast. Det blir trekt lovfesta 
innskott til Statens Pensjonskasse.

Nærare opplysningar om stillinga ved senioringeniør Christian Ramstad, e-post 
Christian.Ramstad at hio.no, alternativt IT-direktør Ole Lycke, e-post Ole.Lycke at hio.no. Båe på 
tlf. 22 45 20 00.

Kvinner blir særskilt oppmoda til å søkje stillinga. Vi oppmodar søkjarane til å sende sjølve 
søknaden og nødvendige opplysningar om utdanning og praksis ved å nytte linken til det 
elektroniske søknadsskjemaet, se finn.no eller monster.no
Alternativt kan søknad med CV merka ”ref. 09/3735” sendast til Høgskolen i Oslo, Organisasjons- 
og personalseksjonen, Postboks 4 St. Olavs plass, 0130 Oslo, innan 26. november 2009.

Etter ny offentleglov kan opplysningar om søkjaren bli gjort kjente sjølv om søkjaren sjølv har 
bede om ikkje å stå oppført på søkjarlista.