Sundag 30. januar 2005 12:11 skreiv Karl Ove Hufthammer:
I nynorskomsetting av KDE er «system notifications» omsett til «systempåminningar». Dette er litt villeiande, då påminningar vanligvis vert brukt om noko ein har gløymt.
Det er først no eg har forstått korleis denne (veldige nyttige) funksjonen fungerer: Når ei eller anna hending skjer, vert ein eller annan ting gjort.
Eksempel: Når ei feilmelding kjem vert det spelt ein lyd. Når det kjem ny e-post vert det vist eit (passivt) sprettoppvindauge. Når ein person koplar seg til i Kopete vert dette loggført i ei fil. Kvar gong K3b har brent ferdig ein CD vert bakgrunnsbildet ditt endra. Når nokon nemner namnet ditt på IRC vert maskina starta på nytt. ...
Muligheitene er uendelige, men generelt er mønsteret altso: Hending --> handling
Her passar ikkje «systempåminningar» so bra. Nokre forslag:
Hendingsvarsling Hendingsmeldingar
Andre?
Ja, eg er einig, «systempåminningar» er ikkje så bra. Me bør fiksa det både på nynorsk og bokmål.
«Hendingsvarsling» (eller «hendingsvarsel»?) er ikkje så verst, synest eg. Likevel kan jo handlinga vera kva som helst (jf. døma dine), ikkje berre varsel. «Hendingshandlingar» kling ikkje heilt bra, men kanskje andre har betre framlegg?
Med helsing, Gaute Hvoslef Kvalnes