l10n-no April 2021

l10n-no@nuug.no

3 participants
6 discussions

[i18n-no] Søkbar omsetjingsdatabase for fri programvare
by Karl Ove Hufthammer 28 Jul '23

28 Jul '23

Hei! Eg har mekka saman ei lita nettside der ein kan søkja gjennom nynorskomsetjingane av ein del fri programvare. Mellombels adresse: https://huftis.org/kritikk/omsetjingsdb/ Dei fleste omsetjingane er frå KDE-programma, og elles er det frå andre program eg omset / har omsett til nynorsk. Håpar nettsida kan vera til nytte når ein lurer på kva eit ord eller uttrykk bør/kan omsetjast til på norsk. -- Vennleg helsing Karl Ove Hufthammer

1 2

snartast / snøggtast
by Kolbjørn Stuestøl 29 Apr '21

29 Apr '21

I nynorskomsetjinga av LibreOffice er det brukt både «snartast» og «snøggtast» om tastane brukte i tastesnarvegane. Sjølv har eg ingen problem med å bruka begge nemningane, har vel sett på dei som eit utslag av språkleg mangfald, men er det tilrådeleg? Kan det verka forvirrande på brukarane når det i overskrifta i hjelp står «Bruk av snøggtastar» medan teksten snakkar om «snartastar»? Skal ein søke om hjelp, må ein hugse å søke på både «snartast» og «snøggtast». Unødvendig vanskeleg? Bør eg velja å bruke berre eitt av namna, og i tilfelle kva for eitt? Eller kanskje det til og med finst ei anna brukande nemning? Kva er brukt i andre program? Mange spørsmål, håper nokon i gruppa har svar. Helsing Kolbjørn

2 2

Page line-spacing
by Kolbjørn Stuestøl 27 Apr '21

27 Apr '21

Finst det eit (typografisk) omgrep på norsk for "Page line-spacing"? Frå hjelpteksten for LibreOffice: "/Page line-spacing//refers to the coincident imprint of the lines within a type area on the front and the back side of a page. The //page line-spacing//feature makes a page easier to read by preventing gray shadows from shining through between the lines of text. The //page line-spacing//term also refers to lines in adjacent text columns, where lines in different columns use the same vertical grid, thereby aligning them vertically with each other./" På tynt papir vil linjene på motsett side av ei dobbeltsidig utskrift skine igjennom arket og vere meir eller mindre synlege på den andre sida. "Page line-spacing" går ut på å justere linjene opp og ned i ei dobbeltsidig utskrift slik at linjene på begge sidene av arket «treff» kvarandre for å gjere gjennomslaget av linjene på motsett side mindre synleg. Så lenge omgrepet er definert, går det vel an å bruke «sidelinjeavstand», men kjekkare å bruke ein fagterm dersom denne finst. («Sidelinjeavstand» seier vel elles ikkje så mykje om kva dette går ut på). Det er også ein kommando: "Page line-spacing (register-true)" som eg ikkje finn ut av. På dansk er dette omsett med «Side-linjeafstand (hold register)». Eg finn ingen definisjon eller forklaring på "register-true". Helsing Kolbjørn

2 8

Ordbøkene kjapt tilgjengeleg direkte i nettlesaren
by Karl Ove Hufthammer 26 Apr '21

26 Apr '21

Eg ser revisjonsprosjektet for Bokmålsordboka og Nynorskordboka (https://www.uib.no/lle/121561/revisjonsprosjektet-bokm%C3%A5lsordboka-og-ny…) nettopp har lagt ut ei lenkje om korleis ein lettast og kjappast kan slå opp i ordbøkene via nettlesaren: https://tanketom.no/den-lettaste-m%C3%A5ten-%C3%A5-ha-spr%C3%A5kr%C3%A5det-… Kanskje nyttig for nokon her på lista som ikkje alt kjenner til dette? -- Karl Ove Hufthammer

3 5

Fra Stortinget: Programvare på nynorsk – skriftlig spørsmål fra Marit Knutsdatter Strand (Sp) til kunnskaps- og integreringsministeren (fwd)
by Thomas Gramstad 16 Apr '21

16 Apr '21

Interessant. FriProg på nynorsk påvirker (oppfølgingen av) språkpolitikken. Thomas ---------- Forwarded message ---------- Date: Thu, 15 Apr 2021 20:11:09 +0200 From: Arve Kirkevik <akirkevi(a)online.no> To: EFN-listen <efn-listen(a)uib.no> Subject: Fra Stortinget: Programvare på nynorsk – skriftlig spørsmål fra Marit Knutsdatter Strand (Sp) til kunnskaps- og integreringsministeren Er det mer fri programvare på nynorsk enn tilsvarende fra Google og Microsoft? https://www.stortinget.no/no/Saker-og-publikasjoner/Sporsmal/Skriftlige-spo… Skriftlig spørsmål fra Marit Knutsdatter Strand (Sp) til kunnskaps- og integreringsministeren Dokument nr. 15:1816 (2020-2021) Innlevert: 28.03.2021 Sendt: 06.04.2021 Besvart: 13.04.2021 av kunnskaps- og integreringsminister Guri Melby Spørsmål Marit Knutsdatter Strand (Sp): Senterpartiet er uroa for at det vert vanskelegare å vere nynorskelev når ikkje sentrale programvare, som til dømes tekstbehandlingsprogram, er tilgjengelege på nynorsk. Kva vurderingar gjer statsråden rundt å gjere endringar i opplæringslova, og forskriftene til denne, for å sikre at nynorskelevane får like godt digitalt undervisingstilbod som bokmålselevane? Begrunnelse Viser til oppslag hjå NRK den 2. februar der 108 ordførarar krev at Google tek ansvar og tilbyd betre nynorsk rettskrivingsprogram og nynorskutgåver av dei viktigaste læringsverktøya. Google svarer at dei skal sjå på språkpakkar, men at det ikkje er aktuelt med omsetjing av tilbodet i G Suite for utdanning, dette inkluderer tekstbehandlingsprogram og regneark. Det svekkjer høve til å vere trygg på – og god i – eige språk. Det er i dag ikkje heimel i opplæringslova til å krevje at skuleeigar har digital programvare tilgjengeleg på hovudmålet til elevane. Opplæringslova er under revidering. Stortinget vedtok nyleg ny språklov. Språktilhøve til elevane må henge i hop, og ser fram til å høyre kva statsråden tenkjer om nynorskbrukarane sine rettar i samband med ny opplæringslov Svar Guri Melby: Dagens opplæringslov med forskrifter stiller krav til at ein berre kan nytte lærebøker og andre læremiddel som er tilgjengeleg på bokmål og nynorsk til same tid og same pris. Dette er ei viktig språkpolitisk føresegn. I Granavolden-plattforma har regjeringa derfor sagt at vi vil «sikre retten til læremiddel på begge målformer». Samstundes veit vi at det er utfordringar i dag for elevar som nyttar nynorsk som hovudmål, særleg når det gjeld tilgang til digitale ressursar og programvare på nynorsk. I NOU 2019: 23 Ny opplæringslov har opplæringslovutvalet gjort framlegg om å vidareføre kravet til parallelle utgåver av læremiddel på bokmål og nynorsk. Fleire av dei som har svart på høyringa av forslaget frå utvalet, er opptekne av at elevar med nynorsk som hovudmål møter for lite nynorsk i opplæringa og at digitaliseringa har påverka dette negativt. Det heng mellom anna saman med at lærarar bruker fleire ulike ressursar no enn tidlegare, og at fleire av desse er utvikla i utlandet. Nokon peiker på at programvare eller andre verktøy, som til dømes kontorstøtteverktøy og retteprogram, ikkje støtter nynorsk eller har for dårleg kvalitet på nynorsken. Det er ikkje vanskeleg å vere samd i intensjonen bak eit forslag om at kravet om parallelle utgåver på bokmål og nynorsk også må gjelde digitale verktøy som kontorstøtteprogram, operativsystem og liknande som vert nytta i skolen. Samtidig kan eit slikt absolutt krav til kontorstøtteprogram i skolen være utfordrande i praksis. Utvalet peiker mellom anna på at eit slikt krav kunne føre med seg en del praktiske utfordringar der kommunen eller fylkeskommunen ønskjer å bruke mest mogleg like kontorstøtteprogram i hele verksemda. Framlegget frå utvalet og alle innspela som har kome inn i høyringa, blir nå vurdert i departementet. Eit forslag til ny opplæringslov skal så på ny høyring, før regjeringa legg fram forslag til den nye lova for Stortinget. ====================================== Se også: Nkom lanserer nye nettfart.no: https://www.nkom.no/aktuelt/nkom-lanserer-nye-nettfart.no Klarspråkprisene går til Arbeidstilsynet og Bergen kommune: https://www.regjeringen.no/no/aktuelt/klarsprakprisene-gar-til-arbeidstilsy… Skal utvikle digitalt pasientforløp for barn og unge med diabetes type 1: https://www.ahus.no/nyheter/skal-utvikle-digitalt-pasientforlop-for-barn-og… Koronakommisjonen legger NIMs rapport til grunn for menneskerettslige vurderinger: https://www.nhri.no/2021/koronakommisjonen-legger-nims-rapport-til-grunn-fo… NSM Podcast 115 - Facebooklekkasjer - Hvem hva hvor? https://soundcloud.com/nasjonal-sikkerhetsmyndighet/nsm-podcast-115-faceboo… FBI nuked web shells from hacked Exchange Servers without telling owners: https://www.bleepingcomputer.com/news/security/fbi-nuked-web-shells-from-ha… _______________________________________________ https://mailman.uib.no/listinfo/efn-listen Melde deg av listen? Send mail til efn-listen-request(a)uib.no med "unsubscribe" som emne/subject

1 0

Norsk terminologi for elektrisitet og sånt (i spelet GCompris)
by Karl Ove Hufthammer 13 Apr '21

13 Apr '21

Hei! Eg har nettopp omsett ein modul om elektrisitet i leik-og-lær-spelet GCompris (https://gcompris.net/index-nn.html). Kort sagt er det ein pedagogisk aktivitet der ein lærer om elektrisitet ved å laga (virtuelle) elektrisk krinsar, ved for eksempel å kopla lyspærer til batteri. Men det er ei god stund sidan eg heldt på med slikt sjølv, så eg er litt usikker på om eg har fått terminologien og fysikken heilt rett. (Og eg mistenker at dei engelske originaltekstane ikkje er heilt gode heller.) Er det nokon her på lista som har litt erfaring med elektriske krinsar og kan ta ein kjapp kikk på omsettinga? Eg har lagt ut ei nettside der de kan sjå originaltekstane og mi omsetting: https://huftis.org/kritikk/gcompris/analog-electricity.html Det eg treng mest, er tilbakemelding på terminologien, men om de finn skrivefeil eller dårleg språk, tek eg sjølvsagt imot meldingar om det òg! :) Send tilbakemelding på e-post direkte til meg eller her til diskusjonslista. Vennleg helsing Karl Ove Hufthammer

7 14

2026

2025

2024

2023

2022

2021

2020

2019

2018

2017

2016

2015

2014

2013

2012

2011

2010

2009

2008

2007

2006

2005

2004

2003

2002

2001

l10n-no April 2021