Til Nasjonalt kompetansesenter for fri programvare i Noreg
Fyrst vil eg gratulere dykk med etableringa av kompetansesenteret. Eg skriv på vegner av Skulelinux, og særleg på vegne av oss i skulelinuxmiljøet som jobbar med omsetjingar. Vi er ei gruppe som heng oss med på utviklarsamlingane til skulelinux og jobbar med omsetjing av hovudsakleg KDE, men sjølvsagt mest fokus mot pedagogiske program.
Vi er ikkje så mange, og det er mykje arbeid på få hender. For å få litt fart i arbeidet, og også høve til å rekruttere fleire, så ynskjer vi å arrangere reine omsetjarsamlingar.
Vi har lyst til å invitere alle som jobbar med omsetjing av fri programvare. Eg trur det kan vere veldig nyttig å treffast ansikt til ansikt, sidan det ikkje er så mange av oss, og vi er ganske spreidd. Eg har vore i kontakt med fleire omsetjarmiljø, og dei verkar til å vere positive til ei slik samling.
I den samanhengen lurer eg på om det er mogeleg å få til eit samarbeid med dykk. På våre utviklarsamlingar har vi brukt å vere på skular med godt nettsamband og velvillige dataansvarlege på skulane. Men viss de har høve til å tilby oss ein stad å ha samlinga, så hadde det vore storvegs for oss.
Vi tenkjer å arrangere fleire samlingar framover, men vi er ikkje butte opp i å arrangere i eller rundt Oslo. Vi vil gjerne flytte oss rundt i landet viss det er mogeleg. (Då med andre samarbeidspartnarar kanskje.)
Vi håpar uansett på at de er villege til å hjelpe oss med ei slik samling.
Helsing Håvard Korsvoll