[Sender svaret til e-postlista, då eg reknar med det var der svaret ditt var meint òg.]

Fredag 13. august 2010 22.09.40 skreiv du:

Ehm. Her gjekk det litt kjapt i svingane, ja. Sidan sist har eg omsett heile WordPress, og retta nokre få feil sjølv òg. Eg legg ved po-filer for trunk og 3.0.1 her. Ein liten biverknad av omsetjingsarbeidet dei siste dagane er at me ligg føre bokmål for 3.1 nett no :-)

Eg ville vera svært takksam om du kunne flette dei nye omsetjingane inn i det du jobbar med på SVN,

Ikkje noko problem. Det er no gjort. Det vil seia, endringane eg gjorde er flytta inn i den nye fila du sendte (arbeidar berre med 3.0.x førebels, og overfører heller alt til trunk etterpå).

og endå meir takksam om du kunne sende meg po-filer når du har luka ut nokre feil.

Eg skal gje beskjed, so kan du henta dei direkte frå SVN.

Ein liten regel eg har prøvd å leggje meg på i omsetjingane mine: Eg bruker a-infinitiv, og e-ending i imperativar/kommandoar (av typen "for å lagra klikkar du "Lagre"-knappen"). Eg er ikkje religiøst oppteken av at det skal vera slik, men det har ein viss logikk.

Hm, eg synest det hørest litt merkelig/inkonsekvent å ha forskjellig ending i infinitiv og imperativ. I dei andre omsettingane våre har me alltid bruk a- endingar alle plassar.

Sjekka nett med Språkrådets bok «Godt språk i lærebøker», og dei skriv:

I nynorsk gjeld det ein generell regel om at linne verb av a-klassen kan ha ei imperativform som fell saman med infinitiv: smuldre deigen med det same (eller smuldra ved a-infinitiv), attåt smuldr deigen … Rett opp vakling ved det same ordet og rå til utjamning for heile gruppa.

So er det greitt at eg endrar alt til a-endingar?

Viss du har veldig lyst til å gjera noko med det, er det berre å gå i gang. Sidan det er mange omsetjarar som har vore i sving her, er det nesten nøydd til å vera inkonsekvens elles òg.

Ja, eg ser òg terminologien varierer litt mellom tekstane. Eg har tenkt å gå gjennom alle tekstane, so til slutt skal alt verta konsekvent og fint. :-) Men eg reknar ikkje med å bruka veldig intensivt på dette, so det kan ta litt tid.