Thomas Gramstad skreiv 29. mai 2018 13:19:
Mens vi er inne på slike rasjonaliseringer/oppryddinger vil jeg også foreslå at man flytter alle Mailman-epostlistene (det er vel 4 til sammen, eller kanskje enda flere?) bort fra Mailman-installasjonen på ping.uio.no og til en annen Mailman-installasjon som blir vedlikeholdt. PING er ikke bare inaktiv, men epost til foreningen blir ikke besvart (det kommer noen bouncer fra personlige adresser det videresendes til, slik at hverken de personlige adressene som står som førstemottakere av epost til PING eller andre personlige adresser som disse er satt opp til å videresende til, lenger fungerer). Det er vel bare et tidsspørsmål før noe knekker på den installasjonen, og da er det ingen å henvende seg til. (Listadmin har allerede sluttet å virke mot denne Mailman-installasjonen, med ERROR: 500, men webgrensesnittet er fremdeles operativt.)
Eg er einig i at listene bør flyttast.
Det har lenge vore problem med listene. Eitt av dei er at sertifikatet til påmeldingssida og arkivet er er utgått/ugyldig, slik at folk som ønskjer å melda seg på listene får (i nyare nettlesarar) ei ganske skremmande melding om at sida er utrygg / potensielt farleg. Då er det naturleg å velja «Få meg vekk herifrå»-knappen, og me har gjerne gått glipp av fleire bidragsytarar slik.
Eg sende i fjor ein e-post angåande sertifikatproblemet til PING og til ein person som *tidlegare* hadde svara meg når eg har kontakta PING ang. problem med listene. Her er svaret eg (omsider) fekk (frå ein tredje person):
PING som forening er dessverre på ekstremt sparebluss på grunn av mange faktorer, og selv vanlig drift lever på nåde.
Sikkerhetsoppdateringer blir såvidt jeg vet ivaretatt av automatikk/semiautomatikk, men jeg tror ikke noen gjør noe med slike ting, som du også kanskje forstår av at ingen har svart på snart 4 måneder.
Installasjon av Let's Encrypt-sertifikat fordrer at noen har mulighet til å sette seg inn i hvordan det gjøres på serveren som har lister.ping.uio.no og installere nødvendig programvare for det. Dette kan være litt krevende dersom den kjører et eldre operativsystem.
Eg har òg tenkt på flytting av e-postlistene, og sende for nokre dagar ein e-post til PING (+ dei *to* kontaktpersonane eg *har* fått svar frå før), men har som Thomas har eg førebels berre fått fleire feilmeldingar. I e-posten spurde eg om det var mogleg å få sett opp vidaresending av e-post til listene dersom me flytta dei til ein ny leverandør. Adressene til listene står nemleg veldig mange plassar på nettet, og er til og med innebygd i enkelte program (og kanskje i trykt materiale òg).
Det kan jo sjå ut som eg ikkje får svar på denne førespurnaden, men me bør flytta listene likevel. Nokre moment:
Det var tilsynelatande ein god idé med fleire lister, men nytteverdien har vore liten og det er forvirrande (og det er heilt sikkert ein del folk som er med på éi av listene men som burde vore med på fleire). Foreslår derfor å berre ha éi liste i framtida, for omsetting av friprog til *norsk* (i utgangspunkt bokmål og nynorsk, men me kan godta innlegg om (nord)samisk òg dersom arbeidet der startar opp att, og så får me heller oppretta ei eiga liste for (og på) samisk *dersom* det blir behov ein gong i framtida).
Det vil vera ein *stor* fordel dersom me kan importera dei gamle listearkiva. Eg kan lasta ned og ordna desse (og kanskje sletta gamle spaminnlegg som har sloppe gjennom filteret). Eg har faktisk òg komplett arkiv til *forløparen* til i18n-*-listene (som var hos KDE), som òg kan inkluderast. Det er historisk interessant å ha dette.
Det misvisande listenamnet bør endrast. Me arbeider ikkje med I18N (utanom i nokre svært sjeldne tilfelle); me arbeider med L10N. Eg foreslår «l10n-no» (der «no» altså er landskode, ikkje språkkode …).
Den nye leverandøren bør helst vera *varig*/*robust*, slik at me ikkje opplever same problem som me har no i framtida. Stikkord: bussfaktor
E-postlister er mykje greiare å forhalda seg til enn WWW-baserte forum. Dette utelukkar ikkje løysingar der ein kan ha eit vevgrensesnitt til e-postlista, slik at folk som føretrekker dette kan bruka det.
Mailman kjennest meir og meir gammaldags for kvart år som går, men fungerer jo. Så ei løysing basert på Mailman er akseptabel. Men om det finst meir moderne/fancy e-postlisteløysingar er det òg OK.
Automatisk filtrering av reklame-e-post er heilt nødvendig. Me får no *veldig mykje* reklame til e-postlistene våre. (Desse vert stoppa av eit filter, og eg (og iallfall éin person til) går inn og modererer.)
Det bør gå an å senda e-post til lista sjølv om ein ikkje er medlem (men e-posten må då bli fanga opp for manuell godkjenning).
Alle arkiva bør vera offentlege og indekserbare av søkemotorar. Helst bør det vera mogleg å ha «varige» lenkjer til enkeltinnlegg og diskusjonstrådar.
Når me flyttar e-postlistene, er det mange plassar (nettsider og program) som må oppdaterast til å visa til dei nye listene. Her må dei som kan gjera ein dugnad.
Burde jo hatt ei nettside som *forklarte* litt om e-postlistene, om formål, kven som står bak og slikt. Det står litt på Mailman-sida, men det er knapt.
Synspunkt?