I eit anfall av inspirasjon skreiv eg eit avsnitt om snarvegstastar til retningslinjene våre. Kommentarar er velkomne.
KDE-omsetjarar kan særleg leggja merke til den nye lenkja til Dr. Klash som eg snubla over i kveld :)
Med helsing, Gaute Hvoslef Kvalnes
<h3>Snarvegstastar</h3>
<p>Du kan ofte bruka tastekombinasjonar til å hoppa direkte til menyar, knappar og andre element på skjermen: Alt + F opnar gjerne filmenyen, og Alt + O kan gje <em>OK</em>-knappen. Bokstaven du skal bruka er vist med strek under. Slike tastar kallar me <em>snarvegstastar</em>, sidan dei er ein slags snarveg til ulike stader i skjermbiletet.</p>
<p>Ideelt sett skal det ikkje finnast fleire snarvegstastar med den same bokstaven innanfor eitt skjermbilete. I praksis er det ofte vanskeleg å oppnå fordi skjermtekstane kan koma frå mange ulike stader i kjeldekoden. Her er nokre rettesnorer for korleis du kan velja bokstavar til snarvegstastane:</p>
<ul> <li>Vel helst «logiske» bokstavar. Den første bokstaven i det viktigaste ordet er ofte eit bra val: «Nytt <u>v</u>indauge»</li> <li>Du kan ofte forutsjå konfliktar ved å prøva å tippa kva for programtekstar som vil opptre i det same skjermbiletet. Ofte står menyvala etter kvarandre i omsetjingsfila.</li> <li>Unngå helst dei særnorske bokstavane æ, ø og å. Det er ikkje alle som har norsk tastatur.</li> </ul>
<p>Det er som sagt vanskeleg å unngå alle tastekonfliktar. Me har observert skjermbilete der nesten 40 element gjer krav på kvar sin snarvegstast. Korkje det engelske eller det norske alfabetet strekk til i slike tilfelle, og feilen bør rett og slett meldast til utviklarane av programmet.</p>
<p><a href="http://www.kdedevelopers.org/node/view/520">Dr. Klash</a> er eit kjekt verktøy som kan hjelpa deg med å finna tastekonfliktar i KDE-program. Du kan diverre berre bruka Dr. Klash i program som er ferdig omsette, men då kan du i det minste fiksa feilen til neste versjon.</p>