Ser at Fellesordlista bruker "register true → sett i kegel [typografi]". På bokmål er det også brukt kegel i omsetjinga. Kanskje det likevel er den beste nemninga? (Ja, eg har skift meining). Kegel kjem frå blysatsen og er/var høgda på blokka som held bokstavane/teikna. Typografane kunne regulere linjeavstanden ved å setje inn strimlar under eller oftast over kegelen. (Ein eller anna staden fann eg at det skulle uttalast slik det blir skrive, altså ikkje «kjegel». Har ikkje lydskrift i e-postprogrammet). Dagens elektroniske system oppnår det same ved å setje tekstlinjene i eit register, så ut frå dette ville «Sett i register» eller noko liknande nok vere den beste omsetjinga.
Innvendingar?
Helsing Kolbjørn
Den 09.04.2021 22:16, skreiv Kolbjørn Stuestøl:
Takkar så mykje. Dette var oppklarande. LibreOffice opererer med eit fast rutenett for å få linjene korrekt plasserte, altså ei form for register.
Kjenner uttrykket «sette i/på kegel» frå før, men tykkjer det er litt for spesielt. Ser at det er brukt éin stad i omsetjingane (også på bokmål) i ei innhaldsliste i omsetjingane av LibreOffice. Alle kegelstikkoda viser til "Page Line-spacing". Hugsar eg ikkje feil, er kegel namnet på den delen av blyblokka som stikk opp over bokstaven, så å variere høgda på denne vil jo endra linjeavstanden. Så kanskje kegel i ei eller anna form er meir korrekt typografisk, men lite blytypar å finne i dagens trykkeri.
Truleg er «register» meir forståeleg, særleg dersom ein veit at eit register kan vere meir enn ei innhaldsliste. Det er vel ikkje heilt gjennomført i LibreOffice, men eg har prøvd å omsetje "register", "index" og liknande med «innhaldsliste» der eg er sikker på at det er innhaldsliste som er meint. Ikkje alltid like enkelt å finne ut kva dei engelske orda står for i den aktuelle samanhengen. Blir jo litt feil å bruka «Innhaldsliste» i ein indeksert tabell :-).
Var ikkje klar over at i18n-no-lister-arkivet framleis er tilgjengeleg. Sikkert eg som ikkje har følgd godt nok med. Takk for opplysninga.
Helsing Kolbjørn
Den 09.04.2021 19:10, skreiv Karl Ove Hufthammer:
Karl Ove Hufthammer skreiv 09.04.2021 18:55:
Kolbjørn Stuestøl skreiv 09.04.2021 18:26:
På tynt papir vil linjene på motsett side av ei dobbeltsidig utskrift skine igjennom arket og vere meir eller mindre synlege på den andre sida. "Page line-spacing" går ut på å justere linjene opp og ned i ei dobbeltsidig utskrift slik at linjene på begge sidene av arket «treff» kvarandre for å gjere gjennomslaget av linjene på motsett side mindre synleg.
Dette vert òg kalla «grid typesetting» på engelsk. Meiner å hugsadet heiter «register» på norsk. Ein set teksten slik at linjene står «i register».
Ja, dette vart vist diskutert «her på lista» for 18 år sidan:
https://i18n-no.lister.ping.uio.narkive.com/bkI0Y7NM/oo-kvalitetskontroll-oo...
Eg siterer frå nokre av innlegga (og har retta teiknkodingsfeil – noko som var vanleg for 18 år sidan …):
Ein bekjent i trykkeribransjen (så vidt eg hugsar er han utdanna typograf) har fylgjande forklaring:
"Uttrykket på norsk er "register", men vi har ikke noe "register-ekte/sann". Du må nok frase ....."Kan sette teksten i korrekt register". Egenskapen "..å sette i register" kan normalt slås av/på i typografiske programvarer.
Registeret kan tenkes som et sett Registerlinjer som teksten står på. Avstanden mellom registerlinjene er fast, i tillegg angir du normalt hvor langt ned på sida den første linja begynner.
"..å sette i register" gir begrenset handlefrihet til å plassere tekslinjer "hvorsomhelst" på sida, men gir gevinst i form av at alle tekstlinjers grunnlinje vil stå i et fast avstandsinterval fra toppen/bunnen av sida. Derfor den bedra lesbarheten ved to-sidig utskrift ved at gjennomskinnligheten i papiret ikke gir deg et urolig kontrastinntrykk."
[…]
Takk. Eg har fått vita at Quark brukar «Lås til register», så eg trur me går inn for det.
[…]
... eventuelt «sette på kegel», som visstnok er det verkeleg hardbarka typografar brukar. Ulempen med «register» er at folk kan blanda det saman med stikkordregister og liknande.
Elles ser eg både Adobe (https://helpx.adobe.com/no/incopy/using/aligning-text.html) og QuarkXPress (http://files.quark.com/download/documentation/QuarkXPress/8.5/Norwegian/QXP_...) brukar «Lås til registerlinjer».
Eg føreslår derfor «Registerlinjer» og «Lås til registerlinjer», avhengig av samanhengen.
E-postlista l10n-no http://lister.huftis.org/listinfo.cgi/l10n-no-huftis.org